Entre os servizos que presta Mr.Misto Films atópase o de consultoría cultural. Un servizo novidoso que trata de sacar o máximo proveito das actividades organizadas tanto por parte das administracións públicas, como dos colectivos culturais.
Mr.Misto Films realiza unha análise do público obxectivo que existe en cada ámbito de actuación e estuda cales son as súas preferencias para deseñar unha programación cultural acorde coas súas demandas.
O resultado é unha oferta cultural multidisciplinar na que se combinan dende o audiovisual até a música, o teatro, o circo, os contos, as performances...
Unha vez deseñada a oferta cultural, Mr.Misto Films encárgase tamén da difusión publicitaria e mediática dos mesmos, organizando as roldas de prensa e os actos precisos para a súa promoción.
Entre os traballos máis destacados realizados até o momento atópanse:
- Produción e organización do Festival On&Off da Curtametraxe en Ribadeo 2005,2006 e 2007
- Foro da industria e o audiovisual NovaFactory 2005 e 2006
- Xornadas do Audiovisual de Boiro 2003, 2004, 2005, 2006
- Festival Comicarteixo 2006
- Certame Audiovisual do Casino de Vilagarcía 2007
- Festa da Lamprea en Pontecesures 2007